Parafuso e porca
entrada circular → saída rectilíneo· non reversible
Este mecanismo consta dun parafuso e dunha porca. Un dos dous xira e o outro, que non pode xirar porque a súa orientación está suxeita, avanza ao longo do parafuso.
O avance depende do paso de rosca:
a = p · n
onde p é o paso, a distancia entre dous fíos seguidos, e n o número de voltas. Como o paso adoita ser pequeno, os desprazamentos son lentos e moi precisos, e o mecanismo non é reversible.
Ten moitas aplicacións en desprazamentos lineais lentos: tornos de banco, prensas, gatos de coche, portais automáticos de fincas e carros de máquinas.