Excéntrica
entrada circular → saída rectilíneo alternativo· non reversible
A excéntrica é un disco que xira arredor dun eixe desprazado do seu centro. Sobre ela apóiase o seguidor, unha varilla que está sempre en contacto co disco e que recibe o seu movemento.
A distancia entre o centro do disco e o eixe de xiro chámase excentricidade, e. En cada volta o seguidor sobe e baixa un percorrido igual ao dobre desa distancia:
d = 2 · e
O mecanismo non é reversible.
Como o perfil é circular, o movemento do seguidor ten sempre a mesma forma: o único que cambia dunha excéntrica a outra é a amplitude. Úsase en bombas, prensas e máquinas de coser.