Fabricación por moldeado dunha peza de espuma

No video podemos ver unha estación de traballo na que un cabezal embarcado nun robot aplica dous compoñentes químicos (poliol e isocianato) nunha relación determinada sobre un molde no que previamente introducimos a estructura interior da peza de espuma. Neste caso unha estructura metálica e as gomas dun sofá.

O producto final que obtemos con este material poden ser colchóns, sofás, asientos de coche, etc. Na maioría das espumacións antes de verter a mezcla engádense pezas metálicas, redes, etc. para darlle rixidez e elasticidade a peza.

Os moldes nos que se verte a mezcla son de aluminio e solen estar atemperados a unha temperatura arredor de 70ºC, dependendo da formula utilizada. O proceso necesita un tempo de curado para que a mezcla suba coma un bizcoito dentro do molde ata enchelo por completo copiando a súa forma.