CAMPEÓNS DE ESPAÑA DE MODELADO 3D

Campións de España de modelado 3D

Campións de España de modelado 3DUn grupo de alumnos e alumnas de 4º da ESO do IES A Sangriña da Guarda proclamouse campión de España da “d3mobile.es metrology league”, unha competición de modelado en 3D de precisión co móbil para estudantes de 4º da ESO e bacharelato.

A competición está organizada pola Universidade de Santiago de Compostela a través do grupo de investigación USCAN3D. Pola FECYT (Fundación Española para la Ciencia y la Tecnología). Polo CEM (Centro Español de Metrología) e polo Instituto Geográfico Nacional.

O obxectivo desta competición espertar nos alumnos a súa capacidade investigadora a vez que aprenden a usar novas técnicas e ferramentas relacionadas coas novas tecnoloxías.

Despois dunha dura competición e moitas horas de traballo, dende que no mes de xaneiro dera comezo a metrology league, o equipo do IES A Sangriña da Guarda “tecnosang 4.2” logrou acadar a primeira posición no campionato de modelado 3D de precisión co móbil grazas ao bos resultados nas distintas probas. Os integrantes do equipo son Alicia Pereira Márquez, Olaia Ferreira García, Carlos Baz Magallanes e Saúl Ávarez Ferreira, coordinados polo profesor Antonio Lomba Baz.

A competición consiste en utilizar o seu teléfono móbil e un ordenador persoal, xunto cun software específico, para crear modelos tridimensionais a escala de obxectos reais sinxelos. A técnica utilizada para realizar estes modelos recibe o nome de fotogrametría. A realización de modelos tridimensionais con esta técnica utilízase a nivel profesional en distintos ámbitos, é a que usan, por exemplo, para crear as tomas de «ollo de halcón» nos partidos de tenis.

Os integrantes do equipo gañador acompañados polo seu coordinador están convidados a acudir o día 20 de xuño, a Madrid, ao Centro Español de Metrología, para asistir ao acto de entrega de premios.

Os membros do equipo gañador queren agradecer os apoios que están tendo na votación popular do vídeo do modelo tridimensional do “icosaedro estrellado” e lembrar que as votacións para decidir o vídeo gañador estarán abertas ata o día 17 de xuño.

Etiquetado con: , , , , , ,

Experiencias magnéticas

Nas XII Xornadas de Tecnoloxía organizadas pola APETEGA (asociación de profesores de tecnoloxía de Galicia) tiven o pracer de impartir un obradoiro de magnetismo e electromagnetismo. Este obradoiro serviume para recuperar algúns traballos que tiña feitos e preparar outros que tiña ganas de facer dende facía tempo. Tiven tamén a inestimable colaboración dun alumno de 2º de bacharelato, Manuel Rodríguez Vicente, que me prestou algúns dos seus experimentos.

Agora, como complemento a aquel obradoiro, publico a documentación das experiencias que se realizaron nel  e un breve vídeo no que se visualizan ditas experiencias.

DOCUMENTACIÓN

Quero indicar que todos estes experimentos son para a aula. Ben de forma demostrativa, para explicar algún principio ou concepto, ou ben para construílos como prácticas e proxectos. En calquera dos dous casos, pero sobre todo cando se trata de traballos prácticos, resultan moi motivadores para os alumnos que se implican totalmente na súa realización. Será porque teñen algo de máxicos.

Etiquetado con: , , , , , ,

Icosaedro estrellado modelado con 123D Catch

«d3mobile.es metrology league» é un campionato de España de modelado 3D de precisión con móbil para estudantes de 4º da ESO e bacharelato. A competición está organizada pola USC e o grupo de investigación USCAN3D.

O principal obxectivo desta competición e estimular a capacidade investigadora dos estudantes de secundaria, neste caso, traballando coa técnica de fotogrametría básica que permite facer modelos tridimensionais partindo de fotografías.

A aplicación utilizada para realizar o modelado de obxectos a partir de fotografías é o software gratuíto Autodesk 123D Catch que se pode descargar directamente da web.

Un grupo de alumnos de 4º ESO do IES A Sangriña estivo participando nesta competición ao longo do curso. No vídeo que se mostra a continuación pódese ver o resultado dunha das probas realizadas, que consistía na modelización e creación dun vídeo dun obxecto de libre elección.

Etiquetado con: , , , , , ,

Motor eléctrico simple

No vídeo que se mostra a continuación explícase detalladamente a construción dun motor eléctrico simple. Este motor simple é unha práctica ou miniproxecto de electromagnetismo deseñado para 2º ESO.

Os materiais necesarios para construír este motor son:

  • Unha pila de petaca (4,5V)
  • Un imán de ferrita, neste caso utilízase un imán rectángular.. Pódese substituír por un imán de neodimio.
  • Dúas gomas de caucho
  • Dous clips
  • Fío de cobre esmaltado para bobinar

O custe máximo do proxecto non supera os 2 € sempre que se teña que comprar todo o material.

Con esta práctica trátase o electromagnetismo e as máquinas eléctricas.

Circuíto neumático A+B+A-B-

Deseño en FluidSIM dun circuíto neumático que fai a secuencia A+B+A-B- co seu correspondente diagrama espacio tempo.

Etiquetado con: , ,
Páxina 7 de 42« Primeira...56789...203040...Última »
Top
Translate »