Tecnoloxía. Recursos educativos
Ciencia ficción?
 Creo que, debido a o gran bombardeo de todo tipo de información que recibimos, nos estamos insensibilizando e perdendo a capacidade de sorprendernos diante de fotografías como esta, O que aparece na imaxe non é un fotograma dun filme logrado con efectos especiais ou con animación por ordenador, é un home de carne e oso, un astronauta de nome Nicholas Patrick, que está vendo por unha ventá da estación espacial internacional ca terra cuberta polas nubes ao fondo. Non me cabe ningunha dúbida que ata fai nada isto era ciencia ficción. A tecnoloxía está sendo determinante para construír o presente e seguro que será aínda máis determinante no futuro.
|
Constrúe a túa cidade sostible
Estes días vía tecnotic descubrín a última versión do xogo EnerCities. A verdade e que despois de darlle un vistazo quedei encantado con este xogo, tanto, que ata botei algunhas partidas.
Coincidindo co descubrimento do xogo estaba preparando un exame de enerxías renovables para os de 1º de bacharelato e pensei que podería servir perfectamente como actividade complementaria do tema propoñerlle que xogaran un pouco.
Vía aula virtual do IES A Sangriña fíxenlles a proposta de que aqueles que conseguiran unha puntuación superior a 150 terán dereito a un positivo na avaliación e aquel que consiga máis puntuación do curso terá dereito a dous. Para certificar a puntuación será necesario facer unha captura de pantalla ca puntuación final e enviar o arquivo de imaxe a unha actividade proposta na aula virtual
Comeza o xogo...
Realidade aumentada 2: Animales fantásticos na casa
Continuando cas experiencias ca realidade aumentada, recóllese neste filme a visita duns animaliños que viaxaron dende o mundo virtual ata o meu estudio. Alí estiveron, como se pode ver na película, divertíndose e divertíndonos. Se queres recibir ti tamén a visita destes simpáticos personaxes tes as instrucións para contactar con eles na páxina francesa: http://www.lesanimauxdufutur.com/ ¡que te divirtas!
Realidade aumentada 1: O diferencial
Estes días ando experimentando ca Realidade Aumentada, achego aquí unha mostra realizada capturando a pantalla do meu ordenador na que aparece unha imaxe en 3d dun diferencial sobre a mesa do meu escritorio. No transcurso do vídeo comento en qué consiste a realidade aumentada e que necesitamos para desenvolver unha aplicación deste tipo. Por se alguén tivera curiosidade deixo un ENLACE para descargar o programa BUILDAR e a documentación necesaria xunto cas instruccións para desenvolver un exemplo de realidade aumentada.
O carro galego I
 Dende fai algún tempo teño a páxina algo abandonada, xusto o mesmo tempo que levo traballando nun novo e interesante proxecto con algúns compañeiros do instituto. Temos constituído un seminario permanente para o estudio do carro galego. Estiven elaborando un debuxo do carro en 3D aquí mostro un adianto do resultado.
Como nunca se sabe onde pode aparecer un colaborador deixo aquí un enlace a un cuestionario que estamos a distribuir para recabar información. Se che apetece colaborar podes enviar o cuestionario á dirección de correo: lomba arroba tecnoloxia.com
Ficha cuestionario sobre sobre o carro galego
|
|
|
|
|
|
Páxina 1 de 19 |
Creo que, debido a o gran bombardeo de todo tipo de información que recibimos, nos estamos insensibilizando e perdendo a capacidade de sorprendernos diante de fotografías como esta, O que aparece na imaxe non é un fotograma dun filme logrado con efectos especiais ou con animación por ordenador, é un home de carne e oso, un astronauta de nome Nicholas Patrick, que está vendo por unha ventá da estación espacial internacional ca terra cuberta polas nubes ao fondo. Non me cabe ningunha dúbida que ata fai nada isto era ciencia ficción. A tecnoloxía está sendo determinante para construír o presente e seguro que será aínda máis determinante no futuro.
